敬希支持.港漫转型
分类:L生活图

敬希支持.港漫转型

呢篇稿,係真心写畀锺情同埋支持港漫嘅老友记,过目过目──相信,大家都知道近呢十年,港产连环图嘅环境係几咁恶劣!

如果我哋依然唔理,相信喺三年之间,港漫嘅「期刊」必然全面消失,就算尚存一两本,咁样……已同「全面消失」相差无几!

讲真,港漫之所以搅成咁,除咗因为既有从业员个个扯乾之外,新一辈亦因为缺乏发表嘅平台,而难以成熟接上!好勒,上一辈(例如牛佬呢D)唔讲,但係我自己相信新一辈係仍有可为嘅!佢哋嘅潜力,只係客观环境所致而未能好好发挥!所以,我哋尝试开创一D全新经营手法嘅平台,睇吓可唔可以改变呢个「困局」!

如果可以,港漫亦会顺理成章转型,以另一种出版模式继续娱乐大家!

呢,依家我哋开咗一个「热血少年漫画网」,上载一D新人又或者旧人嘅连环图作品,免费供应读者欣赏!

敬希支持.港漫转型

(热血少年漫画网连载作品,黄洋达原着、君不见编绘的《茅山高校》)


记住,係免费嘅!只要喜欢,键入,就即时可以免费欣赏各个画手嘅作品!之但係,既然「免费」,咁D作家又点样维持生产作品呢?

唯有依靠大家──认为嗰个作者有为嘅话,「课金」支持!亦即係话,如果嗰位作者得到适当「课金」支持,就会越写越起劲;相反,写极都冇人「课金」,咁就注定「收皮」咯!

原本出版嘅经营模式──係畀咗钱然后攞走本书;依家调转勒……认为好睇,先至「科水」,甚至乎唔科!

咁大家话勒──呢个「热血少年漫画网」嘅经营方法,係咪绝对值得大家支持?

当然,讲到尾都係嗰句──如果你唔支持港漫,又或者认为「贡」上某D大陆漫画网任睇嗰D翻版作品都冇问题嘅话,咁就另当别论!

我从头到尾都係嗰句,呢篇文章係畀嗰D锺情漫画同埋支持港漫嘅朋友收睇嘅!

好,如果有兴趣,就第一时间键入「热血少年漫画网」啦!

呢个行动掂唔掂,靠你哋勒!



上一篇: 下一篇:
猜你喜欢
热门排行
精彩图文