微软测完岁数仲要测心情!
分类:I泰生活

微软测完岁数仲要测心情!

之前how-old.net曾经疯传一段时间,但似乎大家好快就玩厌咗。唔紧要,微软今铺又有新搞作。古语有云「知人口面不知心」(好似係),而家去到Project Oxford网站上传一张相,系统就会即时计算相中人嘅情绪指数。

其实佢同how-old.net一样,都係喺Build开发者大会发布过。大家按照指示上传相片到网站,系统就会辨识表情特点,从而计算情绪指数。目前总共可分辨出愤怒、鄙视、厌恶、不安、高兴、沮丧同惊讶七种状态,自然表情亦纳入计算之中。

咁顶瘾马上搵相试吓咩料!首先请高登永远荣誉女神谢安琪出场,笑得咁甜梗係开心居多吧。之后换上大家至爱嘅达哥,估唔到达哥浸住水仍然咁冷静,仲有几分兴奋,抵佢成为广告界红人。跟住搵喜怒不形于色、香港之最梁特首嘅经典表情测测,微软读唔到佢心入边谂乜,不过似乎佢有少许动摇,冇达哥情绪咁稳定。试到闷闷哋,笔者上传张Love Live睇吓过唔到过骨,又真係唔得喎。

呢个智能系统当然唔係畀人消磨时间,团队话最终目的係想帮助市场公司收集顾客对产品嘅反应,又或者应用至通讯程式之中,系统依照对方情绪给予用家不同操作选项,避免中伏得罪人。

微软测完岁数仲要测心情!
微软测完岁数仲要测心情!
微软测完岁数仲要测心情!

上一篇: 下一篇:
猜你喜欢
热门排行
精彩图文